Kannski er ég farin að gleypa flugur
eins og afi
sem gabbaði okkur Mánasnáðann
og þóttist gleypa hrossaflugu
oooojjjj!!!
sögðum við, fimm og sjö
í sveitinni
því afar plata ekki

En sumsé,
gleðifluga
virðist hafa tekið sér bólfestu í maganum mínum
ég vaknaði brosandi í gær
og er enn brosandi
þetta er ógeðslega væmið
en
ekki gleyma því ljósin mín
að vor eru dásamlega væmin
og sérstaklega hönnuð til að vekja skilningarvitin
af löööngum dvala ...